حضرت سید حسن بدر الدین المعروف شاه بدر دیوان

آپ 861 ہجری عراق کے شہر بغداد میں پیدا ہوئے۔ آپ کے والد کا نام سید شرف الدین گیلانی تھا۔ جب آپ عہد شباب کو پہنچے تو آپ کے جدامجد حضور غوث اعظم نے آپکو خواب میں حکم دیا کہ ہم نے تمھیں ہندوستان کے صوبہ پنجاب کا ولی بنادیا ہے اور اسکی صوبہ داری تمھیں سونپ دی ہے آپ نے وہ ارشاد با سر و چشم قبول کرتے ہوئے عرض کیا۔ اے جدا مجد ! میں وہاں کس مقام پر سکونت اختیار کروں حکم ہوا یہاں سے اپنا کوزہ پانی سے بھر کر لے جاؤ جہاں اس کوزے کا پانی ختم ہو جائے وہیں قیام پذیر ہو جانا اس حکم کی تعمیل کرتے ہوئے آپ نے رخت سفر باندھا اور جلا الدین محمد اکبر بادشاہ کے دور حکومت میں لاہور پہنچے۔ اس کی نواحی بستی بیگم پورہ میں اسی جگہ قیام فرمایا۔ یہاں آپ نے کم و بیش بارہ سال قیام فرمایا اور کئی چلے کیسے دن رات عبادت الہی میں مشغول رہتے اور ایک لمحہ بھی یا دالی کے بغیر نہیں گزرتا لیکن کوزے کا پانی ختم نہ ہوا ۔ موضع کند یلہ کا سردار نا در ملک جو آپ کا مرید تھا آپ کو کندیلہ میں قیام پذیر ہونے کی درخواست کی۔ اس کا عجز و نیاز دیکھ کر آپ اس طرف روانہ ہوئے لیکن جب موضع مسانیاں شریف تحصیل بٹالہ ضلع گورداسپور پہنچے تو اس کوزے کا پانی ختم ہو گیا جو اتنے برس ختم نہیں ہوا تھا۔ کوزے میں پانی کا ایک قطرہ بھی باقی نہ رہا۔ یہ دیکھتے ہوئے آپ نے موضع مسانیاں شریف میں قیام پذیر ہونے کا فیصلہ کر لیا اور وہیں ڈیرا ڈال دیا